నేనే ప్రేయసి మనసులో - నేస్తమై ప్రాణమైనాలే 

నేనే ప్రేమ పిలుపులలో - నేఁధర్మ దాహమైనాలే

నేనే ప్రేక్షక కళలలో  - నే సత్య మోహమైనాలే 

నేనే ప్రేమేము వయసులో - నేటి దేశ మైనాలే       

*

దేవీ ప్రేమము మనసులో - దీపమై ప్రజ్వలించెన్గా 

భావావేశము కవితగా - భాసురమ్మై వెలింగెన్గా 

జీవానందము నిజముగా+ - చేతనమ్మై చలించెన్గా 

నీవే నాకని తలువఁగా - నెమ్మి కన్నుల్ చెమర్చెన్గా 

*

దారిద్ర్యమ్మున ధనముకై - తాను వెళ్లెన్ విదేశమ్ముల్ 

దూరమ్మందున నుడుపమా - త్రోవలోఁ గాంచినావేమో 

దారిం జెప్పుము వలపుతో+ - చిక్కి ఖేదాత్మగా నుంటిన్ 

ఘోరమ్మీ విరహకథయున్ - గొంతులో వెల్గగా నయ్యెన్ 

*

కోపమ్మొందుచు వరుసముం - గొండపై నుండఁగాఁ జెప్పన్   

శాపగ్రస్తుఁడు విరహియై - శాలినిం బాసి యక్షుండే  

కూపమ్మందు జనకజ తా+ - కూర్మితోఁ జేసెనో స్నానం 

బా పేర్వుం గృహముగఁ గొనెన్ - యక్షుఁ డావేళ రామాద్రిన్ 

*

విరహి - మ/న/స/ర/ర/గగ  UUU IIIIIU - UIU UIU UU

*****